Васильев Николай Семенович 1958 сыллаахха Оҥхой нэһилиэгэр төрөөбүтэ. Оҕо сааһа төрөөбүт түөлбэтигэр ааспыта. Оскуола кэнниттэн төрөөбүт нэһилигэр маслоцех рабочайынан, онтон отделение рабочайынан үлэлээбитэ. Кыра эрдэҕиттэн хараҕынан мөлтөх буолан 1991 сыллаахха инвалидка тахсыбыта.

Үөһээ Бүлүүтээҕи көрбөттөр уонна инвалидтар обществоларын көҕүлээһиннэринэн араас күрэхтэргэ, тэрээһиннэргэ активнайдык кыттар. Ол курдук сылын аайы ыытыллар инвалидтар декадаларын күрэҕэр дуобакка, спортивнай хаамыыга, хабылыкка, хаамыскаҕа бириистээх миэстэҕэ сылдьар. Инвалидтарга аналлаах Дьокуускайга, Бүлүүгэ, Сунтаарга, Ньурбаҕа, Горнайга, Үөһээ Бүлүүгэ буолар күрэхтэһиилэргэ мэлдьитин кыттар. Ону таһынан Николай Семенович кэрэ-чуор куоластаах ырыаһыт. Нэһилиэккэ түөлбэ концерыгар солбуллубат артыыс.

Николай Семенович ситиһиилэрэ: 2005 с. Үөһээ Бүлүүтээҕи көрбөттөр обществоларын чемпионатыгар хаамыска күрэҕэр 1 миэстэ, 2010 с. көрбөттөр Спартакиадаларыгар хапсаҕайга 3 миэстэ, 2013 с. II-с республиканскай социальнай-реабилитационнай, культурнай, спортивнай туризм кыттыылааҕа, 2015 с. Дьокуускай куоракка инвалидтарга ыытыллыбыт остуол оонньууларын чемлионатыгар хаамыскаҕа II  миэстэ, хабылыкка 1 миэстэлэрдээх. 2016 с. Дьокуускай куоракка инвалидтарга  ыытыллыбыт остуол оонньууларын чемпионатыгар 3 миэстэ.

Ити курдук Николай Семенович нэһилиэккэ, улууска, республикаҕа ыытыллар
тэрээһиннэргэ биир бастыҥ көҕүлээччи, спортсмен быһыытынан биллэр.