Кетехов Владимир Романович 1975 сыллаахха тохсунньу ый 22 күнүгэр Үөдүгэй нэһилиэгэр сэттэ оҕолоох Павловтар дьиэ кэргэннэригэр бастакы оҕонон төрөөбүтэ. Ийэтэ, Розалия Николаевна Павлова-Кетехова Үөдүгэй нэһилиэгин Куду (Давыдов) учаастагын төрүт олохтооҕо.

1992 сыллаахха Кэнтик орто оскуолатын бүтэрэн баран Москватааҕы экономико-правовой институтка кэтэхтэн үөрэнэн «Финансы и кредит» идэтин ылбыта. Билигин Үөһээ Бүлүүтээҕи ветеринарнай управлениеҕа главнай бухгалтерынан үлэлиир.

Остуол оонньуутугар (хабылыкка, хаамыскаҕа) оскуолаҕа үөрэнэр сылларыгар, Кэнтиккэ интернатка олорон оонньуу үөрэммитэ.

Кэлин үлэһит буолан баран, кыра бириэмэҕэ Саха сирин остуол оонньууларыгар спорт маастарыгар Дмитрий Яковлевич Федотовка эрчиллибитэ.

2010 сыллаахха Үөһээ Бүлүүтээҕи инвалидтар обществоларыгар үлэлии киирэн баран, остуол оонньууларыгар оонньуурун санаан эрчиллэн барбыта. Владимир Романович остуол эрэ оонньуутугар дьоҕурдаах буолбатах. Ол курдук республикаҕа, региоҥҥа, улууска гиирэ спордугар, олорон эрэн волейболга, сытан эрэн штанганы анньыы курдук көрүҥнэргэ күрэхтэһэр.

Кэлин остуол оонньуутун сэҥээрэн Саха Республикатын спордун маастарыгар Туяра Контантиновна Варламоваҕа дьарыктанар.

Ситиһиилэрэ: 2012 с. — Үөһээ Бүлүүгэ улуустааҕы малокомплектнай оскуолалар Спартакиадаларыгар 1 миэстэ, улуустааҕы инвалидтар Спартакиадаларыгар 1 миэстэ, Нам улууһун Тиит-Арыы нэһилиэгэр республикатааҕы инвалидтар Х-с Спартакиадаларыгар 1 миэстэ,  Нам улууһун Тиит-Арыы нэһилиэгэр волейболга республикатааҕы инвалидтар Х-с Спартакиадаларыгар 1 миэстэ, Нам улууһун Тиит-Арыы нэһилиэгэр «Мохсуоҕа» республикатааҕы инвалидтар Х-с Спартакиадаларыгар 1 миэстэ.

2013 с. — Үөһээ Бүлүүгэ улуустааҕы инвалидтар Спартакиадаларыгар 2 миэстэ,  Горнай улууһун Бэрдьигэстээххэ республикатааҕы инвалидтар ХI-с  Спартакиадаларыгар 2 миэстэ, Горнай улууһун Бэрдьигэстээххэ республикатааҕы инвалидтар ХI-с  Спартакиадаларыгар волейболга 2 миэстэ.

2014 с. — Үөһээ Бүлүүгэ улуустааҕы инвалидтар Спартакиадаларыгар 1 миэстэ, Үөһээ Бүлүүгэ регионнааҕы малокомплектнай оскуолалар Спартакиадаларыгар 1 миэстэ, Үөдүгэй нэһилиэгин тэрилтэлэрин III-с Спартакиадатыгар 1 миэстэ.

2015 с. — Сунтаар улууһугар Богодоева Анна Алексеевна бирииһигэр республиканскай турнирга 3 миэстэ, Сунтаар улууһугар волейболга I регионнааҕы спортивнай-культурнай Фестивальга 3 миэстэ, Сунтаар улууһугар гиирэ спордугар I регионнааҕы спортивнай-культурнай Фестивальга 2 миэстэ, Үөһээ Бүлүү улууһун үлэ коллективтарын Спартакиадатыгар 3 миэстэ, Дьокуускай куоракка доруобуйаларынан хааччахтаах дьон республиканскай чемпионаттарыгар 1 миэстэ, Дьокуускай куоракка доруобуйаларынан хааччахтаах дьон республиканскай аһаҕас турнирдарыгар 2 миэстэ.

2016 с. — Бүлүү куоракка II-с регионнааҕы спортивнай-культурнай Фестивальга 1 миэстэ, Бүлүү куоракка II-с регионнааҕы спортивнай-культурнай Фестивальга гиирэ спордугар 1 миэстэ, армрестлинг спордугар доруобуйаларынан хааччахтаах дьон республикатааҕы турнирыгар 3 миэстэ, Үөһээ Бүлүүгэ улуустааҕы инвалидтар Спартакиадаларыгар 2 миэстэ, Үөһээ Бүлүү улууһун Харбалаах нэһилиэгэр Ульяна Васильевна Григорьева бирииһигэр республиканскай аһаҕас турнирга 2 миэстэ, Чурапчыга остуол онньууларыгар Федерация Кубогын хаһаайына, Уус-Алдан улууһун Найахы нэһилиэгэр Владимир Георгиевич Дмитриев бирииһигэр республиканскай турнирга 2 миэстэ.

2017 с. — Нам улууһугар Андрей Петрович Ушницкай бирииһигэр республиканскай турнирга 2 миэстэ,  Үөһээ Бүлүүгэ улуустааҕы муниципальнай тэриллиилэр  комплекснай Спартакиадаларыгар 3 миэстэ, Ньурба куоратыгар III-с регионнааҕы спортивнай-культурнай Фестивальга 3 миэстэ, Үөдүгэй нэһилиэгин тэрилтэлэрин III-с Спартакиадатыгар 1 миэстэ.

         Владимир Романович спортка ситиһиилэрин сыаналаан республикатааҕы адаптивнай физкультураҕа уонна спортка киинэ Махтал суругунан, Үөһээ Бүлүү баһылыгын Бочуотунай грамотатынан наҕараадаламмыта.