Люция Николаевна оҕо эрдэҕиттэн саахыматынан сөбүлээн дьарыктанара. Маҥнай 5 саастааҕар аҕалаах ийэтэ  дуобат оонньуулларыттан көрөн үөрэммитэ.  Бииргэ төрөөбүттэр биэстэр, бары дуобат оонньууллар. Люция убайдаах эдьиийин кытта билигин да Тамалакааннарын чиэһин улууска көмүскүү сылдьаллар. Бэйэтин оҕолоруттан Уруйдааналаах Мичил үчүгэйдик оонньууллар. Д.Д. Донскойга дьарыктаммыттара. Кыыһа дуобакка маастарга кандидат буолбута.

         Люция Николаевна дуобакка кэккэ ситиһиилэрдээх, улуус күрэхтэһиилэригэр  сылын аайы кыттан кыайталыыр, миэстэлэһэр. Икки сыл Дьокуускайга инбэлииттэр республикатааҕы күрэхтэһиилэригэр I-II миэстэлэри ылбыта.

         Люция Николаевна спортка ситиһиини, хабылыкка 3 миэстэни, 2014 с. Бүлүү зонатын истибэттэрин IV Спартакиадаларыгар саахымакка 1 миэстэ, истибэттэр саахымакка республикатааҕы чемпионаттарыгар 2 миэстэ, 2015 с. Улуу Кыайыы 70 с. юбилейыгар аналлаах истибэттэр саахымакка республикатааҕы чемпионаттарыгар 1 миэстэ, 2016 с. Үөһээ Бүлүү улууһун муниципальнай тэриллиилэрин икки ардыларыгар ыытыллыбыт Спартакиадаҕа дуобакка 3 миэстэ.