Константинов Павел Михайлович 1990 с. Үөһээ Бүлүү оройуонун Боотулуу нэһилиэгэр төрөөбүтэ.

         Павел кыра эрдэҕиттэн спорт хас да көрүҥүнэн дьарыктаммыта, ол кинини сытыы-сымса, түргэн-тарҕан туттунуулаах, тулуурдаах буоларыгар тирэх буолбута. Ол эрэн Павел улаатарын саҕана хайа да спорт көрүҥүнээҕэр боксаны ордорбута. Кини эр сүрэхтээхтэр эрэ дьарыктанар спортарынан үлүһүйэн туран дьарыктанан Россия спордун маастарыгар кандидат буолбута.

         Павел 2010 с. СР, РСФСР үтүөлээх тренерэ А. Петров кэриэһигэр ыытыллыбыт республика чемпионатыгар III миэстэни ылбыта, 2011 с. республикаҕа II миэстэҕэ тахсыбыта, онтон 2012 с. республика чемпиона буолбута.

         Павел 2013, 2015 сс. республика чемпионаттарыгар үһүс, иккис миэстэлэри ылаттаабыта.

         Ити ситиһиилэринэн Павел Михайлович бокска республика чемпионаттарыгар биирдэ чемпионнаан, иккитэ иккис, иккитэ үһүс миэстэлэри ылан үрдүк ситиһиилэммитэ.

         Павел 2012 с. ХИФУ-га чемпионнаан баран С. Исмаилов кэриэһигэр ыытыллыбыт Бүтүн Россиятааҕы турниры кыайбыта, бу турнирга 2013, 2015 сс. үһүс миэстэлэри ылаттаабыта.