Идэтэтинэн художник. Билигин Дьокуускайга олорор. Тутууга үлэлии сылдьан оһоллонон инбэлиит буолбута. Таас дьиэ тутуутугар сваркалыы олордоҕуна, алҕас көрбөккөлөр толору бетон раствордаах 1,5 тонна ыйааһыннаах олгуйу үрдүгэр уурбуттар. Айдаан таһааран иккистээн олгуйу көтөхтөрүөхтэригэр 1,5 тонналаах ыйааһыннаах бетоннаах олгуйу сүгэн олорбут. Олгуйу көтөхтөрбүттэрин кэннэ сууллан түспүт. Сыл аҥаара балыыһаҕа сыппыта, рентген көрдөрүүтүнэн, сиһин тоноҕоһун икки уҥуоҕа 1,5 см ньалбайан хаалбыттар. Бииргэ үлэлиир дьоно хайдах тыыннаах хаалбытын сөҕөллөр. Баһылай ыарахан атлетиканан (штанга көтөҕүүтүнэн) дьарыктаммыта, “онтум көмөлөстө, дьарыктамматаҕым буоллар, олорбутунан онно хам баттатан өлбүт буолуох этим” — диир.

         Василий Павлович хамсанан-имсэнэн чөлүгэр түһэрдии дьаныардаахтык этин-хаанын эрчийэр, бу улахан күүстээх, дьаныардаах киһиэхэ доруобуйаны баҕарыаҕыҥ.