Майя Владимировна 1986 с. Үөһээ Бүлүүгэ төрөөбүт. Маайа И. Барахов аатынан оскуолаҕа үөрэнэн начальнай оскуоланы бүтэрэр баран Өлөөн оскуолатыгар 11-с кылааһы бүтэрэр.

         Гиирэ анньыытынан хойут, Далырга кэлэн баран 2012 с. саҕалаан дьарыктанар. Кинини СР уонна РФ гиирэҕэ спордун маастара, республика бастыҥа Данилов А.В. дьарыктаабыта, 2014 с. Н. Кардашевскайга эрчиллэр.

         Маайа маннык ситиһиилэрдээх: СР Федерациятын кубогын 2015, 2016 сс. хаһаайына; 2016 с. республика чемпионатыгар IV м; 2016 с. республика норуоттарын Намҥа Спартакиадатыгар IV м буолар. Уларов А.В. бирииһин икки төгүллээх кыайыылааҕа; Россия үлэһит коллективтарын куоталаһыытыгар II м ылбыта; Үөһээ Бүлүү улууһун 4 төгүллээх чемпиона. Маайа ХХ үбүлүөйдээх Манчаары Спартакиадатыгар кыттар путевканы ылбыта уонна аны сайын күрэхтэһиигэ ситиһиилээхтик кыттаары эрчиллэ, бэлэмнэнэ сылдьар.