Иванов Семен Егорович 1965 с. балаҕан ыйын 15 к. Далыр нэһилиэгэр төрөөбүтэ. Сеня оҕо эрдэҕиттэн бөҕө-таҕа уол этэ, онон гиирэ спордун талбыта. Маҥнай бэйэтэ, онтон Александр Даниловтыын дьарыктаммыттара. Ситиһии өр гынан кэлбэтэҕэ, Семен Үөһээ Бүлүү оройуоҥҥа үс төгүл бастаабыта, күүстээх гиревик А.В. Уларов республикатааҕы турнирын чемпиона буолбута, Манчаары Спартакиадаларын 2009, 2013 сс. кыттыылааҕа. Бу Спартакиадаларга Семен ветераннарга күрэхтэспитэ уонна I, II м ылан хамаандаҕа элбэх очкону биэрбитэ. Семен гиирэ анньыытыгар “Урожай” уобаластааҕы Сэбиэтин күрэхтэһиитигэр 2011 с. II м ылбыта, 2014 с. Чебоксары куоракка Россия ветеран гиревиктэрин куоталаһыытыгар 6 м ылбыта уонна гиирэ анньыытыгар Россия спордун маастарыгар кандидат нуорматын толорбута. Семен Егорович гиирэ спорда улууска сайдыытыгар көмөлөһөр, спонсордыыр, бэйэтэ күрэхтэһии тэрийэр, ол курдук 2015 с. Далыр нэһилиэгэр бэртээхэй турниры тэрийэн ыыппыта.

         Семен Егорович түөрт оҕолоох ыал маанылаах аҕата, кэргэнэ Евдокия Прокопьевналыын Дьокуускай куоракка олороллор, Үрдүкү музыкальнай оскуолаҕа воспитателинэн үлэлиир.