Николай Сергеевич Үөһээ Бүлүү сэлиэнньэтигэр 1962 с. төрөөбүтэ. Үрдүк үөрэхтээх. Николай оскуола үрдүкү кылаастарыгар үөрэнэ сылдьан гиирэ спордунан дьарыктаммыта, оройуон, Бүлүү зонатын күрэхтэһиилэригэр кыттан бастыыр, миэстэлэһэр этэ.

         Николай 1993 с. Төҥүлүгэ ыытыллыбыт Манчаары XIII Спартакиадатыгар II, 1995 с. Покровскайга буолбут Манчаары XIV Спартакиадатыгар III м ылаттаабыта. Кини гиирэ спордун республиканскай (Россия) категориялаах судьуйата. Николай Сергеевич билигин Үөһээ Бүлүү улууһун гиирэ спордугар сүрүн тренеринэн таһаарыылаахтык үлэлии-хамсыы сылдьар, Саха Республикатын физическай культуратын уонна спордун туйгуна.