Захар Егорович Оҥхой нэһилиэгэр 1992 с. төрөөбүтэ. Оҥхой тоҕус кылаастаах оскуолатын үөрэнэн бүтэрэн баран, Далыр орто оскуолатыгар салгыы үөрэнэр. Манна гиирэ общественнай тренерэ, САССР уонна РФ спордун маастара Александр Васильевич Даниловка эрчиллэр уонна оскуоланы бүтэрэн, Дьокуускай куоракка үөрэнэ, үлэлии барар. Дьокуускайга тиийэн Дьячковскай В.Н. салалтатынан дьарыктанан Россия спордун маастарыгар кандидат нуорматын толорор уонна гиирэ анньыытыгар кэккэ ситиһиилэнэр. Захар 2012 с. Дьокуускай куорат чемпиона буолар, 2011 с. СР гиирэ спордун Федерациятын кубогын кыайар, 2012 с. Федерация кубогын иккистээн кыайар, 2017 с. республика чемпионатыгар, путевка былдьаһыылаах күрэхтэһиигэ кыттан путевка ылар  уонна аны сайын ХХ үбүлүөйдээх Манчаары Спартакиадатыгар Үөһээ Бүлүү улууһун чиэһин көмүскүүрдүү бэлэмнэнэр. Захар бу кэмҥэ Дьокуускайга олорор, үлэлиир.