Егор ыам ыйын 25 к. 1978 с. Кырыкый нэһилиэгэр төрөөбүтэ. Оскуолаҕа Дүллүкүгэ үөрэммитэ. Гиирэ спордугар эдэр, оҕо эрдэҕиттэн дьарыктанар. Маҥнай утаа тренерэ суох эрчиллибитэ, онтон тренер Н.С. Кардашевскайы ыҥыран, киниэхэ эрчиллэн төрөөбүт Үөһээ Бүлүүтүн чиэһин көмүскээн барбыта.

         Егор 2011 с. Москва куоракка Россия студеннарын чемпионатыгар III м ылар, 2014 с. СР чемпионатыгар III м ылар, 2014 с. V Спортивнай оонньууларга Намҥа II м ылар, 2013 с. Манчаары Спартакиадатыгар кыттыыны ылар, 2017 с. республика чемпионатыгар кыттан  XX юбилейдаах Манчаары Спартакиадатыгар кыттарга путевка аҕалла.

         Егор Наумов үрдүк үөрэхтээх юрист. Кэргэннээх, 5 оҕолоох. Егор сүүрбэччэ сыл гиирэнэн дьарыктанар, онон даннайдаах спортсмен, ол иһин да буолуо, 80-90 кг ыйааһыннаахтарга күрэхтэһэр киһиэхэ үрдүк нуормалаах РФ спордун маастарыгар кандидат буолбута. Егор Дьокуускайга олорор, аныгы олох сиэринэн дьаһанан үлэлии-хамсыы сылдьар.