Наталья Николаевна 1983 с. балаҕан ыйын 5 к. Үөһээ Бүлүү оройуонун Сургуулук нэһилиэгэр төрөөбүтэ.

Наталья 2003 с. Дьокуускайдааҕы медицинскэй коллеһы бүтэрэн медсестра идэтин ылбыта, 2007 с. Шологов аатынан Москватааҕы государственнай пединституту бүтэрэн логопед учуутал идэлэммитэ.

Наталья 2008-2015 сс. Үөһээ Бүлүүтээҕи 7-с №-дээх “Сказка” детсадка медсестранан үлэлээбитэ, 2015 с. М.А. Алексеев аатынан Үөһээ Бүлүүтээҕи республиканскай лицей-интернатка фельдшеринэн үлэлиир.

Гиирэ спордугар Россия спордун маастарыгар кандидат.

Спортка ситиһиилэрэ: 2011, 2012, 2013 сс. СР чемпионаттарын чемпионката,  улуус 5 төгүллээх чемпионката. “Урожай” ДСО, Дьокуускай куорат, Илин эҥэр, Федерация кубогын 2012, 2013, 2014 сс. чемпионката, 2013 с. Йошкар-Олаҕа Россия үлэһит коллективтарын күрэхтэһиитигэр чемпионка, 2014 с. СР норуоттарын спортивнай оонньууларын Спартакиадатыгар үһүс призер буолбута. Кэргэннээх, оҕолоох.