Петр Матвеевич 1963 с. Хороҕо төрөөбүтэ. Аҕата колхоз, совхоз үлэтигэр суот-учуот үлэтигэр үлэлиир буолан хас да сиринэн оҕо сааһа ааспыта. Онон оскуолаҕа Далырынын, Дүллүкүнэн үөрэммитэ. Петр оҕо эрдэҕиттэн модьу-таҕа уол этэ, ыараханы көтөҕүүнү сөбүлүүрэ. Ол сылдьан гиирэ спордугар сыстыбыта, бу көрүҥҥэ Үөһээ Бүлүү улууһун чемпиона буолбута. 1999 с. 32 кг ыйааһыннаах гиирэ анньыытыгар Үөһээ Бүлүү оройуонун абсолютнай чемпионун аатын ылбыта. Петр Романов республика чемпионаттарыгар хас да төгүл кыттыбыта, ыарахан ыйааһыҥҥа элбэх наадалаах очкону биэрэрэ. Бүөтүр 2011 с. республика чемпионатыгар V м буолар, 2012 с. Федерация Кубогар III м ылар, А.В. Уларов республикатааҕы турнирын хаста да кыайар.

         Петр Матвеевич орто анал үөрэхтээх, эдэр сылдьан Ис дьыала органнарыгар 10-ча сыл үлэлээбитэ, кэлин кэргэнэ тэрийбит чааһынай тэрилтэтигэр үлэлиир.