Сергей Григорьевич гиирэ спордугар ССРС спордун маастарыгар кандидат, Саха АССР спордун маастара.

Сергей Григорьевич 1985, 1986, 1987 сс. “Урожай” ДСО уобаластааҕы Сэбиэтин күрэхтэһиитигэр үс төгүл иккис миэстэлээх, 1985 с. Манчаары Баһылай X Спартакиадатыгар III м, 1986 с. Саха АССР норуоттарын X Спартакиадатын II миэстэлээх, 1987 с. Казань куоракка Бүтүн Союзтааҕы турнир III призера, 1987 с. Баһылай Манчаары XI Спартакиадатыгар III м, 1988 с. республика тыатын сирин III спортивнай оонньууларын призера, 1990 с. Баһылай Манчаары XII Спартакиадатын чемпиона.

Дүллүкү орто оскуолатыгар физкультура учууталынан, “Якутмелиоводстрой” ПМК-тын рабочайынан, Балаҕаннаах оскуолатыгар физкультура учууталынан, оскуола директорынан үлэлээбитэ. Гиирэ спордугар элбэх ыччаты, оҕолору эрчийэн сыһыарда. Кэргэннээх, оҕолордоох, сиэннэрдээх түс-бас ыал.