Никандр 1998 с. муус устар 28 к. Далыр нэһилиэгэр төрөөбүтэ. Оскуолаҕа Далыр нэһилиэгэр үөрэммитэ. Бу үөрэнэр кэмигэр гиирэ спордун маастара Александр Даниловка эрчиллэн күүстээх гиревик буолбута. Ону оҕолорго ситиһиилэрэ туоһулуур. Нам улууһугар буолбут СР норуоттарын Спартакиадатыгар уолаттарга чемпион буолбута. “Урожай” общество линиятынан СР 2014 с. чемпиона. 2016 с. улахан дьоҥҥо республика чемпионатыгар II м, 2017 с. СР чемпионатыгар III м, 2015 с. Россия эдэрдэрин күрэхтэһиитигэр II м ылар. Үөһээ Бүлүү улууһун хамаандатын кытта СР гиирэҕэ Федерациятын Кубогын 2014, 2016, 2017 сс. хаһаайына, 2017 с. Россия эдэрдэрин куоталаһыытыгар кыттыыны ылар уонна Россия спордун гиирэҕэ маастарын нуорматын толорор уонна бу нуорманы Уһук Илин Федеральнай уокурук куоталаһыытыгар иккистээн толорор.

Никандр бу кэмҥэ Дьокуускай педагогическай коллеһыгар II курска үөрэнэр уонна Дьячковскай В.Н. эрчиллэр. Тренердэрэ: Данилов А.В., Кардашевскай Н.С., Дьячковскай В.Н. Уол төһө да Россия спордун маастара буолбутун иһин сааһынан эдэр, онон үрдүк кыайыыларынан бар дьонун өссө да үөрдэ туруоҕа.