Владимир Иннокентьевич 1941 с. ыам ыйын 21 к. Үөһээ Бүлүүгэ төрөөбүтэ. Сэрии кэминээҕи оҕо бэрт кыратыттан үлэҕэ эриллэн күүстээх-уохтаах уол буола улаатар. Оскуола кэнниттэн араас тэрилтэлэргэ үксүн ыарахан илии үлэтигэр үлэлээбитэ, сэниэлээх уол ол сылдьан гиирэ анньыытыгар эрчиллэн күрэхтэһиилэргэ кыттар буолбута,  кини бөдөҥ киһи буолан 80 кг ыйааһыннаахтарга күрэхтэһэрэ уонна оройуоҥҥа бастыыра, 1968 с. Манчаары I Спартакиадатыгар II м ылбыта. Кини иннигэр аатырбыт гиревик, Мэҥэ-Хаҥаластан юрист Шишигин түһэн I м ылбыта. Владимир кэлин ыарытыйан күрэхтэспэт буолбута. Владимир Иннокентьевич “Межсовхозстрой” тэрилтэ болуотунньугунан, райпотребсоюзка грузчик быһыытынан үлэлээбитэ, ПМК “Якутмелиоводстрой” тэрилтэҕэ болуотунньугунан үтүө суобастаахтык үлэлээбитэ, онтон пенсияҕа тахсан баран рыбохранаҕа инспекторынан үлэлээбитэ. Владимир Иннокентьевич түөрт оҕолоох дьоһуннаах ыал аҕата, эһэтэ.