Александр Иванович Үөһээ Бүлүү сэлиэнньэтигэр ааспыт үйэ 70-80 сылларыгар олоро сылдьыбыта, хас да тэрилтэҕэ шоферунан үлэлээбитэ, кэргэннээх, оҕолоох этэ. Александр Иванович ыарахан атлетикаҕа ССРС спордун маастара этэ, ол эрэн оччотооҕута Үөһээ Бүлүүгэ штанганан дьарыктанарга усулуобуйа суоҕунан гиирэ спордунан дьарыктанарга күһэллибитэ.

         Кини гиирэ анньыытыгар 1968, 1969, 1971 сс. ыытыллыбыт Баһылай Манчаары Спартакиадатыгар 60 кг ыйааһыннаахтарга чемпионнаабыта, Сибиир уонна Уһук Илин норуоттарын 1969, 1976 сс. Спартакиадаларыгар Тува киин куоратыгар бэйэтин ыйааһыныгар бастаабыта. Кини бу кыайыыларынан гиирэ спордугар Саха АССР спордун маастара буолбута, “Урожай” ДСО бочуоттаах чилиэнин, ХХ үйэ спортка лауреатын үрдүк ааттарын ылаттаабыта.

         Александр Иванович билигин Дьокуускай куоракка олорор, дьоһуннаах ыал аҕата, эһээтэ.