Үөһээ Бүлүү Боотулуутугар төрөөбүт-үөскээбит, үөрэммит уонна төрүт дойдутуттан кынаттанан спорт кытаанах көрүҥнэригэр бокска, кикбоксиҥҥа ситиһиилэммит Константинов Павел Михайлович 2012 с. кикбоксиҥҥа күрэхтэһиитин саҕалаабыта, буолаары буолан ити сыл алтынньы ыйга Воронеж куоракка ыытыллыбыт Россия студеннарын чемпионатыгар 51 кг ыйааһыннаахтарга III миэстэни ылары ситиспитэ. Ити сыл кикбоксиҥҥа ССРС бастакы чемпиона Александр Иванов кэриэһигэр ыытыллыбыт Уһук Илин Федеральнай уокурук аһаҕас чемпионатыгар фул-контакка уонна лоу-киком охсуһууга II призер буолбута. 2014 с. Саха Республикатын чемпионатыгар К-1 разделга чемпионнаабыта.

         Павел 2015 с. Уһук Илин Федеральнай уокурукка чемпион үрдүк аатын ылар. Ити курдук Павел Михайлович спорт икки көрүҥэр — бокска уонна кикбоксиҥҥа Россия спордун маастарыгар кандидат, Саха сирин биир биллиилээх спортсмена буолар.