Үөһээ Бүлүү оройуонун Оҥхой нэһилиэгэр колхозтаах дьиэ кэргэҥҥэ төрөөбүтэ. Ийэтэ Антонова Марфа Ивановна, аҕата Антонов Иван Иннокентьевич туруу үлэһит дьон этилэр. Мэник оҕо сааһа төрөөбүт түөлбэтигэр  Липпэ Атахха ааспыта. Оскуолаҕа 1950 с. «0» кылааска үөрэнэ киирбитэ. Оҥхой оскуолатын кэнниттэн Далыр орто оскуолатыгар салгыы үөрэммитэ. Оскуолаҕа үөрэнэр кэмнэригэр ыһыахтарга, нэһилиэккэ уонна оройуоҥҥа ыытыллар күрэхтэһиилэргэ тустан  бириистээх миэстэҕэ тиксэрэ.

Оскуоланы бүтэрээт Омскайдааҕы физкультурнай институтка үөрэнэ киирбитэ. Бэйэтин курдук эдэр, чэгиэн оҕолордуун этэҥҥэ биир тылы булан, бодоруһан 4 сыл үөрэнэн 1966 с. үрдүк үөрэхтээх физкультура учуутала буолбута. Манна даҕатан эттэххэ, институтка иккис курска үөрэнэ сылдьан Саха сиригэр ыытыллыбыт РСФСР чемпионатыгар судьуйа быһыытынан кыттар чиэскэ тиксибитэ. Бу студент киһиэхэ боччумнаах уонна үрдүк ирдэбиллээх этэ.

1973 с. ыал буолбута, икки уол, биир кыыс оҕолоох, түөрт сиэннээх. 43 сыл устата физкультура учууталынан үлэлээн баран билигин бочуоттаах сынньалаҥҥа олорор.