Мотя уонна Паша спортивнай дьиэ кэргэҥҥэ төрөөбүт кыргыттар. Ийэлэрэ Раиса Васильевна Үөһээ Бүлүүтээҕи М.Т. Егоров аатынан 2-с №-дээх орто оскуолаҕа физкультура учуутала. Кини оскуолаҕа биатлон уонна сүүрүү курдук спорт ыарахан көрүҥнэригэр дьарыктыыр. Эрчийбит оҕолоро улууска, республикаҕа бастыҥнарынан ааттаналлар. Билигин, бэл диэтэххэ, урут кини үөрэппит, эрчийбит оҕолоро аны бэйэлэрин оҕолорун киниэхэ аҕалаллар. Бу учуутал сыралаах үлэтин үтүө түмүгэ буолар. Үөрэнээччилэригэр үтүө холобур буолардыы, Раиса Васильевна дьиэ кэргэнэ бары спорт араас көрүҥүнэн дьарыктаналлар.

Мотя Григорьева 2011 с. чэпчэки атлетикаҕа СР чемпионатын кыайыылааҕа. 2012 с. чэпчэки атлетикаҕа норуоттар икки ардыларынааҕы уонна республикатааҕы турнирдар призердара.

Бииргэ төрөөбүт аҕыстыы-балыстар Мотя, Паша Григорьеваларга спортка өссө үрдүк ситиһиилэри, кыайыыны-хотууну баҕарабыт. Оттон элбэх оҕону спортка уһуйбут ийэлэрэ Раиса Васильевнаҕа дьарыктыыр оҕолоро үрдүк чыпчааллары дабайа туралларыгар алгыс тылбытын аныыбыт.