Андрей Иванович 1929 с. от ыйын 12 к. Далырга I Үөдүгэй нэһилиэгэр төрөөбүтэ. 1947 с. сүүрүүгэ чаҕылхай бириэмэлэри көрдөрбүтэ. 1952 с. Дьокуускайга сабыылаах объекка 30 м сүүрүүгэ 4,0 сөк. көрдөрбүтэ. 1957 с. республика Спартакиадатыгар 6 м09 см уһуну ыстанан чемпион үрдүк аатын ылбыта. Бу сылга 200 м сүүрүүгэ 23,7 сөк. көрдөрөн рекордары олохтообута. 1958 с. үс төгүллээх ыстаныыга 12 м 76 см , 4х400 м эстафетаҕа 3 мүн.49,8 сөк. көрдөрөн республика рекордарын олохтотолообута.

         Өр сылларга Далыр орто оскуолатыгар учууталлаабыта. Үөрэппит, уһуйбут оҕолоруттан элбэх республикаҕа биллэр спортсменнар үүнэн тахсыбыттара. 1977-1990 сс. Саха сирин обкомун үп-хаһаайыстыба отделыгар үлэлээбитэ. Кэлиҥҥи сылларга  29 №-дээх ПТУ интернатыгар инбэлииттэр чөл туруктаах буолалларыгар сыратын уурбута.

         1964 с. “ССРС физическэй культураҕа туйгуна” бэлиэни ылбыта, 1966 с. САССР спордун маастара. Элбэх бочуотунай грамоталардаах, “Урожай” Россия ДССО бочуоттаах чемпиона. 2000 с. түмүгүнэн сүүс бастыҥ спортсменнарын иһигэр киллэриллибитэ, “Саха-спорт” лауреата, 2003 с. “Гражданскай килбиэн” бэлиэнэн наҕараадаламмыта, 2008 с. СР Вице-Президениттэн Махтал сурук туппута. Далыр нэһилиэгин бочуоттаах гражданина, энтузиаст-спортсмен.