Михаил Николаевич 1961  сыл тохсунньу 10 күнүгэр Далыр нэһилиэгэр бастакы оҕонон күн сирин көрбүтэ.

1977  с. Далыр орто оскуолатын үөрэнэн бүтэрбитэ. Ити сылтан “Дүллүкү” совхоз Далырдааҕы отделениетын рабочайынан үлэтин саҕалаабыта.

 1979-1981 сс. СА кэккэтигэр сулууспалыыр.

1982 сылтан Красноярскайдааҕы пединститут студена.

1986  сылтан Далырдааҕы орто оскуола физкультураҕа учуутала.

1987  сыл балаҕан ыйыттан Үөһээ Бүлүүтээҕи оҕо спортивнай оскуолатын чэпчэки атлетикаҕа тренерэ.

2007  сыл олунньутуттан үөрэх управлениетын спортка методиһа.

Киниэхэ бастакы улахан ситиһии 1989 сыл сайыныгар кэлбитэ. Итиннэ  100  км дистанцияҕа 8 ч 40  мүнүүтэнэн кэлэн чемпионнаабыта, Саха АССР рекордун олохтообута.

1990  сыл Омскайга 42  км 195 м  марафону 2 ч. 42 мүнүүтэнэн кэлбитэ.

1991  сыл Гродноҕа 100  км дистанцияны 7 ч  43 мүнүүтэнэн кэлэн чемпионнаабыта.

1992  сыл Одессаҕа 100 км СНГ чемпионатыгар 9 миэстэҕэ тахсыбыта.

Дьокуускайга 42  км 195 м марафоҥҥа үһүс миэстэни ылбыта.

Одессаҕа сууккалаах сүүрүүгэ  223 км  сүүрэн иккис миэстэни ылбыта.

1993  сыл Королевка 63 км дистанцияҕа сүүрэн чемпионнаабыта.

1994 сыл Подольскайга сууккалаах сүүрүүгэ саамай улахан ситиһиилэммитэ. Ити сыл биир сууккалаах сүүрүүгэ 264 км 400 м көрдөрөн СР рекордун олохтообута. Бу көрдөрүүгэ саха сүүрүктэрэ кыайан чугаһаабаттар. Бу сүүрүүтүнэн Михаил аан дойду норуоттарын икки ардыларынааҕы кылаастаах спордун маастарын аатын ылбыта.

1995 сыл Москваҕа 100 км сүүрүүгэ Россия чемпионатыгар 7 миэстэҕэ тахсыбыта.

1995 сыл Швейцарияҕа ыытыллыбыт сууккалаах сүүрүүгэ Россия хамаандатын састаабыгар сүүрэн, хамаанданан бастакы миэстэни ылбыта.

1996 сыл Москваҕа сууккалаах сүүрүүгэ 224  км сүүрэн үһүс миэстэни ылбыта.

Санкт-Петербурга сууккалаах сүүрүүгэ 248  км көрдөрөн үһүс миэстэна ылбыта.

1997 сыл Подольскайга сууккалаах сүүрүүгэ 234  км көрдөрөн иккис миэстэни ылбыта.

Францияҕа ыытыллыбыт сууккалаах сүүрүүгэ Россия хамаандатын састаабыгар сүүрэн, хамаанданан бастакы миэстэни ылбыттара.

Михаил Россия хамаандатын састаабыгар киирэн  1995 сыллаахха Европа Кубогын чемпионатыгар Швейцария Базель куоратыгар хамаанданан бастыыр.

1997 сыл Европа кубогын чемпионатыгар Франция куоратыгар Ниортка үһүс миэстэни ылар.

1998 сыл Москваҕа сууккалаах сүүрүүгэ 220 км сүүрэн 10 миэстэҕэ тахсар. Онон Михаил сахалартан бастакынан 100 км, сууккалаах сүүрүүлэргэ Аан дойдуга биллэр, күүстээх сүүрүк аатын ылбыта, Аан дойду кылаастаах уонна Россия спордун маастара буолар чиэскэ тиксибитэ. Бу ситиһиитинэн М.Н. Еремисов ХХ-с үйэ спортка лауреатын аатын ылбыта. Кини СР үөрэҕириитин туйгуна. Далыр нэһилиэгин уонна Үөһээ Бүлүү улууһун Бочуоттаах гражданина буолбута.

Михаил Еремисовтар педагогическай династияларын салҕааччы этэ. Үөрэх управлениетыгар методистыырын быыһыгар эдэр спортсменнары сүүрүүгэ уһуйбута. Мэйиктэн Борис Васильев диэн сүүрүгү таһаарбыта. Борис Васильев уолаттарга 5000 м ыраахха сүүрүүгэ СР рекордсмена.

Еремисов М.Н. кэргэнэ Мария Иннокентьевна чааһынай маҕаһыын атыыһыта, Мария уонна Лена гимназияны үөрэнэн бүтэрбиттэрэ. Михаил Николаевич 2007 с. олунньу ыйтан олоҕун тиһэх күннэригэр диэри үөрэх управлениетын физкультураҕа уонна спортка методиһынан үтүө суобастаахтык үлэлээбитэ.