1962 с. Үөһээ Бүлүү нэһилиэгэр төрөөбүтэ. 1979 с. 2-с №-дээх физмат оскуоланы бүтэрбитэ. Үрдүк үөрэхтээх, идэтинэн физкультура учуутала.

Билигин Майаҕа олорор, тренеринэн үлэлиир.

1997 с. Москва куорат 850 сааһын бэлиэтиир 100 км сүүрүүгэ Россия чемпионата ыытылынна. Бу күрэхтэһиигэ Россия бастыҥнара бары кэриэтэ кытыннылар. Бу Россия чемпионатыгар дьахталларга Лариса II-с миэстэҕэ таҕыста. Кини балаһыанньа быһыытынан Россия спордун маастарын нуорматын толордо. Лариса саха дьахталларыттан аан бастакынан чэпчэки атлетикаҕа Россия спордун маастарын ылыаҕа. Оттон Үөһээ Бүлүүттэн үһүс киһинэн (Еремисов, Бускаров кэннилэриттэн) чэпчэки атлетикаҕа Россия маастарын аатын ылара күүтүллэр. Лариса ийэтэ пенсионерка Розалия Чымыева сааһын тухары эргиэҥҥэ үлэлээбитэ. Аҕата Иннокентий Семенов шофер. Көҥүл тустууга, хапсаҕайга оройуон хас да төгүллээх чемпиона. Бүлүү зонатын чемпиона.

1999 с. Францияҕа эмиэ аан дойду чемпионатыгар 100 км III-с миэстэҕэ таҕыста уонна аан дойдутааҕы кылаастаах спорт маастарын нуорматын толордо.

1998 с. 100 км сүүрүүгэ Аан дойду чемпионатыгар X-с миэстэ буолла.