Ульяна Михайловна 1960 с. от ыйын 24 к. төрөөбүтэ. Ульяна оскуоланы 1977 с. бүтэрбитэ, онтон 1982 с. үрдүк үөрэҕи бүтэрэн, Үөһээ Бүлүү оройуонун Дүллүкү орто оскуолатыгар математика учууталынан үлэтин саҕалаабыта. Манна үлэлээбит 9 сылыгар сүүрүүнэн утумнаахтык дьарыктаммыта, элбэх оҕону сүүрүүгэ уһуйбута, алты сыл сүүрүүгэ спортивнай оскуола филиалын аһан үлэлэппитэ. Кини дьарыктаабыт оҕолоруттан республикаҕа тиийэ биллэр сүүрүктэр тахсыбыттара. Тренер быһыытынан таһаартаабыт Ноя Устинова, Дьулус Афанасьев, Коля Иванов ааттарынан киэн туттар. Ульяна Михайловна СР үөрэҕириитин туйгуна, РФ уопсай үөрэхтээһинин бочуоттаах үлэһитэ, сүүрүүгэ СР спордун маастара, үлэ ветерана.

Ульяна Михайловна сүүрүүгэ сүрүн ситиһиилэрэ:

1986 с. республика Х Спартакиадатыгар 3000 м — III м.

1987 с. Манчаары XII Спартакиадатыгар 1500 м — I м.

1988 с. III Тыа сирин оонньууларыгар 1500 м — I м, 3000 м — I м.

1992 с. IV Тыа сирин оонньууларыгар 1500 м — II м, 3000 м — II м.

1993 с. Манчаары XIII Спартакиадатыгар 1500 м — III м.

1995 с. Манчаары XIV Спартакиадатыгар 1500 м — III м, 3000 м — III м.

1996 с. республика норуоттарын Спартакиадатыгар 3000 м — III м.

1996 с. Омскайдааҕы ветераннарга марафоҥҥа сүүрүүгэ — III м.

1996 с. “Саха-марафоҥҥа” — I м.

Билигин төрөөбүт Чурапчытыгар төннөн кэлэн олорор, билигин даҕаны сүүрүүтүн бырахпат, сылын ахсын ыытыллар улуус күрэхтэһиитигэр Болтоҥотун чиэһин ветераннарга көмүскүүр. Кыйы түөлбэтин салайааччыта, женсовет чилиэнэ.