Степан Анатольевич 1992 с. от ыйын 17 к. Үөһээ Бүлүү улууһун Боотулуу нэһилиэгэр төрөөбүтэ.

         Степан Үөһээ Бүлүү 2-с №-дээх оскуолатыгар үөрэнэ сылдьан сүүрүүнэн дьарыктаммыта, физкультура учуутала Григорьева Раиса Васильевна салалтатынан эрчиллибитэ.

         Степан Анатольевич сүүрүүгэ ситиһиилэрэ: 2009 с. Ньурбаҕа V республиканскай Фестивальга, “Эрэл” физкультурнай нормативнай комплекс сүүрүүтүгэр III м ылбыта, 2009 с. “Кросс Наций-2009” Бүтүн Россиятааҕы сүүрүү күнүн кроһугар I миэстэҕэ тахсыбыта, ити сыл Бүлүү бөлөх улуустарын “Урожай” ДСО чэпчэки атлетикаҕа күрэхтэһиитигэр 5000 м дистанцияны 18 мүн.49,35 сөк. кэлэн бастаабыта, 2010 с. үөрэнээччилэр республикатааҕы комплекснай Спартакиадаларыгар иккис бөлөххө 2000 м сүүрэн чемпионнаабыта, 2010 с. “Үөһээ Бүлүү” хаһыат эстафетатыгар иккис бөлөххө бастакы этапка сүүрэн бастаабыта, 2010 с. Улуу Кыайыы 65 сылыгар, Туобуйа нэһилиэгэ тэриллибитэ 75 сылыгар аналлаах Үөһээ Бүлүү – Туобуйа маршрутунан 300 км сүүрүүгэ кыттыбыта.

         Степан Анатольевич 2011 с. Дьокуускайга чэпчэки атлетикаҕа Саха Республикатын эдэрдэргэ чемпионатыгар 5000 м дистанцияны 17 мүн. 20,01 сөк. кэлэн III м ылбыта, 2012 с. Таатта улууһун аһаҕас чемпионатыгар чэпчэки атлетикаҕа Саха Республикатын 10 төгүллээх чемпиона Иванов Евгений Иннокентьевич бирииһигэр 5000 м дистанцияны 17 мүн. 07,63 сөк. кэлэн II призер буолбута, ити сыл “Үөһээ Бүлүү – ийэ тыл биһигэ, төрүт тыл түөлбэтэ” диэн девизтээх улуус ыһыаҕар ыытыллыбыт сүүрүү күрэҕэр 3000 м дистанцияҕа I м ылбыта. 2014 с. “Талаан тыллар туоната – Үөһээ Бүлүүм” улуус ыһыаҕар ыытыллыбыт сүүрүү күрэҕэр 3000 м дистанцияны 9 мүн. 09,72 сөк. кэлэн бастаабыта.