Диана Дмитриевна 1989 с. от ыйын 9 к. Үөһээ Бүлүү сэлиэнньэтигэр төрөөбүтэ. Аҕата Тартакынов Дмитрий Иванович идэтинэн суоппар, сытыы киириилээх тустуук этэ,  “Үлэ Албан аата” III степенэ орденнаах, үлэ ветерана. Ийэтэ Анна Григорьевна Сунтаар улууһун Хадан нэһилиэгиттэн төрүттээх.

         Диана 2003 с. Үөһээ Бүлүүтээҕи оҕо спортивнай оскуолатын иитиллээччитэ. ДЮСШ-5 иитиллээччитэ. Бастакы тренерэ Г.А. Николаев, билиҥҥи тренерэ Д.В. Колесов.

         Диана 2003 с. оҕолорго республика чемпионката, эстафетнай сүүрүүгэ Уһук Илин зонатын II призера. 3000 м сүүрүүгэ республика рекордсменката. 2004 с. сабыылаах дьиэҕэ сүүрүүгэ 1500 м улахан дьоҥҥо республика чемпионатын кыайыылааҕа. 2006 с. Пенза куоракка ыытыллыбыт үөрэнээччилэргэ Россия кыһыҥҥы чемпионатыгар 2000 м мэһэйдээх сүүрүүгэ (стипль-чез) III призера, 3000 м дистанцияҕа Уһук Илин Федеральнай уокурукка чемпионката, 2007 с. чэпчэки атлетикаҕа 1500 м сүүрүүгэ Москва уобалаһын II призера, “Алмаастаах кыраай” күрэхтэһиитигэр 1500 м уонна 800 м сүүрүүгэ чемпионката, 2008 с. Москва куорат чемпионатыгар 1500 м чемпионката. 2009 с. Баһылай Манчаары XVIII Спартакиадатын орто дистанцияҕа сүүрүүгэ икки төгүллээх призера. Бүтүн Россиятааҕы чэпчэки атлетикаҕа күрэхтэһии III призера, 2010 с. 2000 м мэһэйдээх сүүрүүгэ эдэрдэргэ Россия чемпионката.

         Диана Дмитриевна ЧГИФиС студентката, УОР выпускницата. Чэпчэки атлетикаҕа РФ спордун маастара.