1947 с. тохсунньу 16 к. Үөһээ Бүлүү нэһилиэгэр төрөөбүтэ. Бииргэ төрөөбүттэр сэттиэлэр. Иккис оҕонон, ыалга бастакы уол буолан үлэҕэ эрдэттэн буспута-хаппыта. Исидор Барахов аатынан орто оскуолаҕа үөрэнэ сылдьан оскуола спортивнай чиэһин бэрт элбэхтик көмүскэспитэ. Кини оскуолаҕа сылдьан I разрядтаах хайыһардьыт, II разрядтаах чэпчэки атлетикаҕа сүүрүк буолан эрчиллэн тахсыбыта. Оскуола кэнниттэн 1973 с. Тбилиситээҕи физкультурнай институту ситиһиилээхтик бүтэрэн кэлээт 1973 с. Далырга, 1974-1977 сс. Хороҕо физругунан, военругунан үлэлээбитэ. Грузияҕа үөрэнэ сылдьан студеннар олимпийскай резерваларыгар хайыһардьыт быһыытынан эрчиллибитэ уонна хайыһарга ССРС спордун маастарыгар кандидатын нуорматын толорбута.

Григорий Степанович буойун аҕатын, пограничник, народнай суруйааччы Николай Якутскай абаҕатын бойобуой суолларын батан военругунан үчүгэйдик үлэлээн ССРС гражданскай оборонатын туйгуна буолбута. Оттон үөрэхтээһин систематыгар тахсыылаахтык үлэлээн, Россия үөрэҕириитин туйгуна.

1983 с. СГУ-ну бүтэрэн историк идэтин ылбыта. 

Төһөлөөх оҕо гимназияттан кынаттанан тахсарыгар кини илиитин иһинэн иитиллэн тахсыбыта буолуой? Гимназия үөрэтэр уонна иитэр үлэтин механизмын туһунан Григорий Степанович бу курдук кэпсиир: “Хас биирдии гимназист бэйэтин дьоҕурун, талаанын сайыннарар сыалтан кинини араас куоталаһыыларга уонна күрэхтэһиилэргэ кыттыытын ситиһии. Ону ситиһэр наадаттан элбэх көрүҥнээх конкурстары хас нэдиэлэ аайы тиһигин быспакка ыытабыт. Итини тэҥэ оҕолор бэйэлэрэ бэйэлэрин сайыннарыы принциптэрин киэҥник киллэрэбит. Холобура, учком чилиэннэрэ педсовет толору бырааптаах чилиэннэринэн буолаллар. Гимназиспын диэн элиталаах быһыыны-майгыны, билиини-көрүүнү бэйэтин бэйэтэ сайдыытын хонтуруолланар, салайынар, иитинэр усулуобуйатын тэрийэбит”.

Сүрүн ситиһиилэрэ: В 1985 г. на Всероссийском смотре кабинет НВП Верхневилюской школы № 2 как победитель был награжден Почетной грамотой Министерства просвещения ЯАССР. За многолетний плодотворный труд Г.С. Золотарев неоднократно награждался Почетными грамотами Министерства образования и Военного комиссариата ЯАССР. Педагог-стипендиат фонда “Дети Саха-Азия”.

СР “Учууталлар учууталлара” бочуоттаах бэлиэнэн наҕараадаламмыта. СР “Гражданскай килбиэн” диэн үрдүкү бэлиэнэн наҕараадаламмыта. СР үөрэҕин бочуоттаах ветерана.

Ол курдук кини үс үрдүк үөрэх дипломнаах, СГУ историческай факультетын уонна Улан-Удэтээҕи Доржи Бадмаев аатынан педагогическай институт оскуоланы салайыы (менеджер образования) факультетын ситиһиилээхтик бүтэрбитэ. 

Григорий Степанович улахан дьиэ кэргэн аҕа баһылыга, үс оҕо тапталлаах аҕата, алта оҕо эһэтэ буолар. Олоҕун аргыһа Светлана Николаевна “Сказка” оҕо саад салайааччыта. Оҕолоро бары олоххо бэйэлэрин суолларын-иистэрин булуммут, талан ылбыт идэлэринэн таһаарыылаахтык үлэлии-хамсыы сылдьан дьон. Улахан уол Ваня инженер идэлээх, “АЛРОСА” компанияҕа үлэлиир. Улахан кыыс Александра быраас идэлээх, иккис нүөмэрдээх республикатааҕы балыыһа реанимационнай отделын салайар. Кыра кыыһа Маша “Алмазэргиэнбанк” специалиһа.

Григорий Степанович саха норуота сайдарын туһугар киллэрсибит кылаата, үлэлээбит үлэтэ үрдүктүк сыаналанар. Ону үгүс элбэх наҕараадалара, званиелара туоһулуур. 2016 с. Министерство спорта РС (Я) Благодарственное письмо.