Иванов Василий Тарасович 1941 с. Үөһээ Бүлүү оройуонун Ороһу нэһилиэгэр холкуостаах дьиэ кэргэнигэр төрөөбүтэ.

         Кини оскуолаҕа улахан кылаастарга үөрэнэр кэмигэр хайыһар спорда оройуоҥҥа сайдан турар кэмэ этэ. Василийы физкультураҕа үрдүк физкультурнай үөрэҕи бүтэрбит, хайыһар специалиһа Ким Степанович Золотарев үөрэппитэ уонна эрчийбитэ. Хайыһардыыр баҕалаах уол анал үөрэхтээх тренерин сүбэтинэн эрчиллэн 7-11 кылаастарга үөрэнэ сылдьан оҕолорго оройуоҥҥа мэлдьи бастыыр этэ, 9 кылааска үөрэнэр кэмиттэн республика үөрэнээччилэрин күрэхтэһиилэригэр чемпион, призер буолуталаабыта, I разряд нуорматын толорбута. Василий 9 кылаастан улахан дьоҥҥо сүүрэр уонна өрүү миэстэлэһэр буолан оройуон сүүмэрдэммит хамаандатыгар ылыллан оройуонун чиэһин Бүлүү зонатыгар, республикаҕа ситиһиилээхтик көмүскээбитэ.

         Василий Тарасович Дьокуускайга студенныы сылдьан хайыһарга дьарыгын тохтоппотоҕо.

         Василий Тарасович республика аптекоуправлениетын начальнигынан, Дьокуускай куорат ситэриилээх кэмитиэтин солбуйааччынан, “Билии” уопсастыба председателинэн өр сылларга үтүө суобастаахтык, эҥкилэ суох үлэлээбитэ, НКИК “Эргимтэ” биэриитин ыытааччыта.