Лидия Николаевна 1971 с. Үөһээ Бүлүү нэһилиэгэр төрөөбүтэ. Лидия 1988 с. Үөһээ Бүлүүтээҕи 2-с №-дээх орто оскуола физмат кылааһын үөрэнэн бүтэрбитэ.

         Лидия аҕата, Саха Республикатын үтүөлээх учуутала, ССРС народнай учуутала М.А. Алексеев соратнига Николай Федорович Иванов, ийэтэ саха аатырбыт бөҕөһө  Н.К. Докторов-Бычырдаан төрөппүт кыыһа Людмила Никитична.  

         Лидия оскуолаҕа үөрэнэр эрдэҕиттэн хайыһарынан утумнаахтык дьарыктаммыта, Саха Государственнай университетыгар үөрэнэ сылдьан хайыһарга Россия спордун маастарыгар кандидат буолбута.

         Лидия 1994 с. СР чемпионатыгар 20 км дистанцияҕа чемпионнаабыта, 1990-1994 сс. СГУ хамаандатыттан кыттан СР чемпиона, призера буолуталаабыта, Уһук Илин уонна Сибиир регионун, Орто Азия дойдуларын улахаттар Универсиадаларыгар ситиһиилээхтик кыттыбыта.

         Лидия Николаевна билигин Саха Республикатын прокуратуратын старшай прокурорунан ситиһиилээхтик үлэлиир.