1961 с. ахсынньы ый 23 к. Өлүөхүмэ улууһун Токко нэһилиэгэр төрөөбүтэ.

         1983 с. Үөһээ Бүлүүгэ кэлэн “Урожай” ДСО инструкторынан үлэлээбитэ.

         Михаил Егорович 1985-1987 сс. ДОСААФ Үөһээ Бүлүүтээҕи райкомун председателинэн үтүө суобастаахтык, таһаарыылаахтык үлэлээбитэ. Ити кэнниттэн Үөһээ Бүлүүтээҕи оҕо спортивнай оскуолатыгар хайыһар тренеринэн айымньылаахтык үлэлээбитэ.

         1987-1990 сс. Михаил Егорович Өлүөхүмэҕэ профсоюзтар добровольнай физкультурнай-спортивнай обществоларын оройуоннааҕы советын председателинэн быыбарданан үлэлээбитэ.

         1990-1995 сс. кини Үөһээ Бүлүүгэ эргиллэн кэлэн И. Барахов аатынан орто оскуолаҕа физкультура учууталынан, 1995-2000 сс. Үөһээ Бүлүүтээҕи оҕо дьиэтигэр физическэй иитиигэ учууталынан үлэлээбитэ. Кэнники икки сылга Михаил Егорович предпринимательскай үлэнэн ситиһиилээхтик дьарыктаммыта.

         Михаил Цой (Торговкин) бэртээхэй спортсмен этэ. Хайыһарга ССРС спордун маастарыгар кандидат нуорматын толорбута. Улуус, зона бастыҥ хайыһардьыта, республика күрэхтэһиилэригэр Үөһээ Бүлүү чиэһин хайыһар курдук ыарахан көрүҥҥэ ситиһиилээхтик көмүскээбитэ.