Яна Юрьевна 1975 с. Үөһээ Бүлүү улууһугар төрөөбүтэ. Оскуолаҕа үөрэнэ сылдьан чэпчэки атлетиканнан утумнаахтык дьарыктаммыта, Саха Республикатыгар 1500, 3000 м дистанцияларга Саха Республикатын элбэх төгүллээх чемпионката, призера, 1992 с. чэпчэки атлетикаҕа Ставрополь куоракка Бүтүн Россиятааҕы күрэхтэһиигэ ситиһиилээхтик кыттыбыта, 1997 с. Ньурбаҕа ыытыллыбыт Манчаары ХV Спартакиадатыгар 1500, 3000 м сүүрүүгэ боруонса мэтээллээх.

Яна Юрьевна дьахталлар футболларыгар кыттан 1995 с. Швейцария Лугано куоратыгар норуоттар икки ардыларынааҕы турнирга оонньообута, 2007 с. спорт бу көрүҥэр хамаанданан бастаабыттара.

Яна Юрьевна 2006 с. мас тардыһыытынан күүскэ дьарыктанан СР спордун маастара буолбута. 2006 с. СР чемпионатыгар II призер, Красноярскайга Россия чемпионката буолбута.

2007, 2008, 2009 сс. Россия чемпионаттарыгар Красноярскайга, Санкт-Петербурга, Владимир куораттарга кыайталаабыта, ону тэҥэ Саха сиригэр эмиэ бастаабыта.

Яна Юрьевна ХИФУ физкультурнай институтугар преподавателинэн үлэлиир, утумнаахтык эрчиллэр. 

Ааттаах-суоллаах, үрдүк ситиһиилэрдээх кыыспытыгар өссө үрдүк ситиһиилэри, дьолу-соргуну баҕарабыт.