Игнат Николаев Тамалакааҥҥа тоҕус оҕолоох Николаев Мэхээлэ дьиэ кэргэнигэр төрөөбүтэ. Үрдүк индустриальнай үөрэхтээх. Тыа оҕотун быһыытынан оҕэ эрдэҕиттэн от-мас үлэтигэр эриллэн улааппыта. Сүрдээх кытыгырас, иҥиир-ситии киһи буола улааппыта. Мас тардыһыытынан хойутуу аармыйаҕа сулууспалаан кэлэн баран боруобаламмыта. Үөһээ Бүлүүгэ Кыайыы күнүгэр мас тардыһыытын күрэхтэһиитэ тэриллибитигэр 70 кг I м ылбыта. 

Игнат Николаев үөрэҕин бүтэрэн баран Нам улууһугар Граф Кытылыгар идэтинэн үлэлии сылдьан күрэхтэһэн САССР спордун маастара буолбута. Хомойуох иһин ыал буолан, икки кыыс оҕолонон баран массыына саахалыгар түбэһэн олохтон хомолтолоохтук туораабыта.