Спорт хас да көрүҥүнэн биир тэҥник дьарыктанар, республика биллиилээх дэгиттэр спортсмена Любомир Владимирович Николаев мас тардыһыытынан Дыгын оонньууларыгар кыттар буолуоҕуттан утумнаахтык дьарыктаммыта.

         Любомир мас тардыһыытыгар маастарыстыбатын үрдэтээри элбэх республиканскай турнирдарга ситиһиилээхтик кыттыбыта, ол иһигэр биллиилээх мас тардыһааччы Ф. Дегтярев республиканскай турнирын абсолютнай чемпиона буолан Саха Республикатын спордун маастарын нуорматын толорбута.