Николай Андреевич 1960 с. кулун тутар 20 к. Үөһээ Бүлүү сэлиэнньэтигэр учуутал дьиэ кэргэнигэр төрөөбүтэ.

         Аҕата Платонов Андрей Николаевич идэтинэн нуучча тылын учуутала, 1962 сылтан РОНО инспектора, сэбиэдиссэйэ этэ. Ийэтэ  Пирожникова Валентина Николаевна Тамбовскай уобаластан үлэлии кэлбит, медик идэлээх этэ, кэлин учуутал идэтин ылан И. Барахов аатынан орто оскуола кырдьаҕас учуутала, РСФСР норуотун үөрэҕириитин туйгуна, республика үтүөлээх учуутала буолбута.

         Николай Андреевич Дьокуускайдааҕы педучилищены, Омскайдааҕы физкультурнай институту ситиһиилээхтик үөрэнэн бүтэртээбитэ уонна Үөһээ Бүлүү оскуолаларыгар учууталынан, оскуола директорын солбуйааччынан, улуустааҕы үөрэх управлениетыгарситиһиилээхтик үлэлээбитэ, 2007-2012 сс. ыраах Туобуйа нэһилиэгин баһылыгынан быыбарданан нэһилиэк социальнай-экономическай сайдыытыгар элбэҕи оҥорбута. Билигин үөрэх салалтатын начальнигын солбуйааччынан үлэлиир.

         Николай Андреевич 1992 с. ахсынньыга мас тардыһыытыгар “Өбүгэлэр оонньуулара” диэн республикатааҕы I Фестивальга бастаан, республика абсолютнай чемпионун үрдүк аатын ылбыта, 1993 с. Манчаары XIII Спартакиадатыгар мас тардыһыытыгар ыарахан ыйааһыҥҥа чемпионнаабыта. Николай Андреевич мас тардыспытын тухары улууһугар уонна Бүлүү зонатыгар хас да төгүллээх абсолютнай чемпиона буолбута.

         Николай Андреевич Үөдүгэй нэһилиэгэр дьиэ туттан олорор, кэргэннээх, үс оҕо аҕата, биэс сиэн эһэтэ.