Валерий Николаевич 1977 с. Үөһээ Бүлүү оройуонун Хоро нэһилиэгэр төрөөбүтэ. 1994 с. Хоро орто оскуолатын үөрэнэн бүтэрэн баран Дьокуускайдааҕы тыа хаһаайыстыбатын техникумугар үөрэнэ киирбитэ. Ити үөрэнэ сылдьан Валерий мас тардыһыытынан күүскэ дьарыктанар, биллиилээх тренер Федор Матвеевич Дегтеревка эрчиллэр.

         Валерий 1997 с. Ньурбаҕа ыытыллыбыт Манчаары Спартакиадатыгар 74 кг ыйааһыннаахтарга III м буолар, 1998 с. Покровскайга ыытыллыбыт Манчаары Спартакиадатыгар чемпионнуур уонна бу көрүҥҥэ Саха Республикатын спордун маастара буолар. 1998 с. күүстээх Дэһээккин бирииһигэр II м, Тааттаҕа ыытыллыбыт Манчаары Спартакиадатыгар III м ылаттыыр, мас тардыһыытын республикатааҕы Федерациятын Кубогар С. Белолюбскай кэнниттэн II м, 1999 с. Бэрдьигэстээххэ ыытыллыбыт республика чемпионатыгар Н. Дьяконов кэнниттэн II м, Аммаҕа Шараборин бирииһигэр эмиэ II м  ылаттыыр. Бу кэннэ Валерий 2004 с. Хаандыгаҕа ыытыллыбыт Саха Республикатын норуоттарын спортивнай оонньууларыгар 74 кг тардыһан үһүс призер, Биэстээх Бочоох турнирыгар муҥутуур кыайыылаах буолар, 2009 с. Владимир куоракка ыытыллыбыт Россия чемпионатыгар Федор Федоров, Иван Белолюбскай кэннилэриттэн үһүс миэстэҕэ тахсар, 2017 с. ветераннар республикатааҕы күрэхтэһиилэригэр үһүс миэстэни ылар уонна ХХ үбүлүөйдээх Манчаары Спартакиадатыгар кыттар быраабы ылар. Уолбутугар Валерий Николаевичка ситиһиилэри баҕарыаҕыҥ!