Андреева Айыына 1999 с. тохсунньу 21 к. Үөһээ Бүлүү улууһун Нам нэһилиэгэр күн сирин көрбүтэ. Билигин И. Барахов аатынан орто оскуола 11 кылааһын үөрэнээччитэ.

         Айыына кыра оҕо эрдэҕинэ эбэтэ Ульяна Михайловна Петрова хабылыктыырга, хаамыскалыырга үөрэппит. Кэлин 2012 с. Дмитрий Яковлевич Федотов таба көрөн, бу оҕо оонньуур дьоҕурдаах эбит диэн эрчийбит. Түөрт сыл дьарыктанан Айыына республика таһымыгар оонньуур ситиһиилэннэ. Ол курдук, 2013 с. Олоҥхо ыһыаҕар оҕолорго 1 миэстэни ылбыта, 2014 с. Андрей Иванович Донской кэриэһигэр ыытыллар республиканскай турнирга III призер буолбута, 2016 с. Ульяна Васильевна Григорьева бирииһигэр ыытыллыбыт республиканскай аһаҕас турнирга оҕолорго чемпионнаабыта, Уус-Алдан улууһугар Найахы нэһилиэгэр В.Г. Дмитриев кэриэһигэр ыытыллыбыт республиканскай турнирга II призер буолбута. Быйыл, 2017 сылга ХХ-с Манчаары Спартакиадатыгар путевка былдьаһыылаах Дьокуускай куоракка ыытыллыбыт квалификационнай турнирга кыттан путевка ылбыта. Дьаныардаахтык эрчилиннэҕинэ өссө даҕаны үрдүк ситиһиилэри ситиһэр кыахтаах, дьоҕурдаах, кэскиллээх спортсменка.