Надежда хабылыкка уонна хаамыскаҕа Д.Я. Федотовка эрчиллэн республикаҕа биллэр оонньооччу буолбута. Республика хабылыкка, хаамыскаҕа күрэхтэһиитигэр хаста да ситиһиилээхтик кыттыбыта. 1996 с. Дьокуускай куоракка республиканскай күрэххэ маастар нуорматын толорбута, бу Надяҕа улахан ситиһии уонна кыайыы этэ.

 Надежда Уус-Алдан улууһугар ыал буолан көһөн баран бу дьарыгын бырахпатаҕа. Илин эҥэр улуустарын икки ардыларыгар ыытыллар күрэхтэһиилэргэ Уус-Алдан улууһун аатын инники күөҥҥэ таһаарбыта. 2010 с. Горнай улууһугар ыытыллыбыт республиканскай Олоҥхо ыһыаҕар кыттан бастакы миэстэни ылан кыайыы өрөгөйүн билбитэ.

Надежда Васильевна билигин Дьокуускай куоракка олорор, кэргэннээх, үс оҕолоох, доруобуйа харыстабылын эйгэтигэр үлэлиир.