Владимир Романович 1975 с. тохсунньу ый 22 к. Үөдүгэй нэһилиэгэр төрөөбүтэ. 1992 с. Кэнтик орто оскуолатын бүтэрэн, Москватааҕы экономико-правовой институтка үөрэнэн «Финансы и кредит» идэтин ылан, билигин Үөһээ Бүлүү улууһун ветеринарнай управлениетыгар кылаабынай бухгалтерынан үлэлиир.

         Оскуолаҕа үөрэнэр сылларыгар, Кэнтиккэ интернатка олорон сахалыы остуол ооньууларыгар (хабылыкка, хаамыскаҕа) оонньуу үөрэммитэ. Владимир Романович оҕо эрдэҕиттэн инбэлиит. Владимир Романович 2012 с. саҕалаан улуус, республика,  регион күрэхтэһиилэригэр куруук кыттар. Ол курдук, доруобуйаларынан хааччахтаах дьон ортотугар 2015 с. республиканскай чемпионатка 1 миэстэни, республиканскай турнирга иккитэ иккис миэстэлэри ылаттаабыта.

Владимир 2012 с. ыла улууска,  региоҥҥа ыытыллар инбэлииттэр ортолоругар күрэхтэргэ куруук бириистээх миэстэттэн түспэт.

Владимир Романович улахан ситиһиилэринэн буолаллар: 2016 с. Чурапчы улууһугар ыытыллыбыт остуол оонньуутун Федерациятын Кубогын хаһаайына, Ульяна Васильевна Григорьева бирииһигэр ыытыллыбыт республиканскай аһаҕас турнирга II призер, 2017 с. Уус-Алдан улууһун Найахы нэһилиэгэр В.Г. Дмитриев кэриэһигэр ыытыллыбыт республиканскай турнирга II миэстэлээх, Нам улууһун Нам нэһилиэгэр Андрей Петрович Ушницкай кэриэһигэр ыытыллыбыт республиканскай турнирга II призер, 2015 с. Сунтаар улууһугар Анна Алексеевна Богодоева бирииһигэр республиканскай турнирга III миэстэни ылбыта.

Владимир Романович спорт  эйгэтигэр ситиһиилэрэ сыаналанан, 2016 с.  республикатааҕы адаптивнай физкультура  уонна спорт управлениета Махтал суругунан наҕараадалаабыта. Владимир Романович улуус инбэлииттэрин сүүмэрдэммит хамаандатын солбуллубат чилиэнинэн буолар.