Хабылык-хаамыска маастара

, оҕолоро ситиһиилээхтик оонньуур буолан эрэллэр. Алена Кузьминична кэргэннээх, оҕолордоох. Кэргэнэ Иван Чириков хирург быраас идэлээх Михайлова-Чирикова Алена Кузьминична 1979 с. ахсынньы ыйга Кырыкый нэһилиэгэр төрөөбүтэ. Бииргэ төрөөбүт быраата Алик Михайлов саха эстрадатын биир биллэр ырыаһыта.

         Ийэлээх, аҕалара Дария Степановна, Кузьма Кузьмич Михайловтар  үлэһит үтүөтэ, майгылаах бастыҥнара дьон билигин пенсияҕа тахсан сиэн көрө Саха сирин улуустарынан оҕолоругар кэлэ-бара сылдьаллар. Мэлдьи  олорор сирдэрэ Покровскай куорат. Алена Кузьминична хабылык, хаамыска оонньууларыгар спорт маастара, СР элбэх төгүллээх чемпиона уонна абсолютнай чемпиона. Алена орто оскуолаҕа үөрэнэ сылдьан Кырыкыйга төрүт культура учуутала, общественнай тренер Василий Филиппович Николаевка дьарыктаммыта уонна ол дьарыгын билиҥҥэ дылы илдьэ сылдьар, өссө ааһан баран быйыл ыытыллыбыт А.И. Донской сырдык кэриэһигэр СР чемпионатыгар дьахталлар ортолоругар I  м ылла уонна ХХ юбилейдаах Манчаары Спартакиадатыгар кыттарга путевка ылары ситистэ. Алена хара бастакыттан бу көрүҥү кыайа туппута. Общественнай тренердэр В.Ф. Николаев, Д.Я. Федотов кыратыттан бастыҥ иитиллээччилэрэ, оскуолаҕа сылдьан улууска ыытыллар күрэхтэргэ кими да тулуппат этэ.

         Алена Кузьминична1999 с. СР чемпионката, Туймаада ыһыаҕын 2007, 2008, 2009 сылларын чемпионката уонна абсолютнай чемпионката. 2010, 2011, 2012, 2017 сылларга  СР абсолютнай чемпионката. 2013 с. дьахталларга (спорт маастардара) күрэх абсолютнай чемпионката, 1999 с. Олоҥхо оонньууларын Ытык-Күөлгэ буолбут күрэҕин абсолютнай чемпионката, университетка үөрэнэр кэмигэр эмиэ күүстээхтик оонньообута. Алена Кузьминична идэтинэн омук тылын учуутала уонна билигин Аммаҕа бу идэтинэн үлэлиир, хабылыкка-хаамыскаҕа остуол оонньуутун уһуйаана.