Павлова Татьяна Дмитриевна 1962 с. бэс ыйын 4 к. Тамалакаан нэһилиэгэр төрөөбүтэ. 1976 с. Тамалакаан аҕыс кылаастаах оскуолатын үөрэнэн бүтэрбитэ уонна Дьокуускайдааҕы медицинскэй училищеҕа медсестра идэтигэр үөрэммитэ. Ити идэтинэн 30 сыл үтүө  суобастаахтык үлэлээбитэ.

    Татьяна Дмитриевна оскуолаҕа үөрэнэр сылларыттан кыралаан остуол оонньуутугар оонньуур этэ. Иллэҥ кэмигэр вышивканан, сайын оҕуруотунан дьарыктанар. 2013 с.  доруобуйатынан хааччахтаах дьон ортотугар улуус, республика, регион таһымыгар оонньоон барбыта. Ол курдук 2013 с. IX инвалидтар республикатааҕы Спартакиадатыгар 2 миэстэни ылбыта.

Татьяна Дмитриевна 2016  с. Чурапчы улууһугар Федерация Кубогын хаһаайката, Ульяна Васильевна Григорьева бирииһигэр ыытыллыбыт республиканскай турнир кыайыылааҕа. Улуус инбэлииттэргэ сүүмэрдэммит хамаандатын чилиэнэ. Татьяна Дмитриевна билигин олорор Намын нэһилиэгин инбэлииттэрин обществотын председателинэн үтүө суобастаахтык үлэлиир.

Быйыл 2017 с. А.И. Донской бирииһигэр ыытыллыбыт турнирга кыттан ХХ Манчаары Спартакиадатыгар кыттарга квалификационнай күрэхтэһиигэ путевка ылла. Татьяна Дмитриевнаҕа олоххо, спортка үрдүктэн үрдүк ситиһиилэри баҕарыаҕыҥ!