1947 сыл тохсунньу 11 күнүгэр Туобуйа нэһилиэгин Сыкымда диэн учаастагар төрөөбүтэ. Оскуоланы 1966 сыллаахха бүтэрбитэ. Икки сыл армияҕа сулууспалаабыта. Салайар кадрдар техникумнарын бүтэрэн баран нэһилиэк сэбиэтин председателинэн, биригэдьииринэн, зоотехнигынан үлэлээбитэ. Сопхуос эстибитин кэннэ оскуолаҕа физруктаабыта. Пенсияҕа тахсан баран тэрилтэлэргэ АХЧ салайааччытынан, охраннигынан үлэлээбитэ. Оскуолаҕа тохсус  кылааска сылдьан оҕолорго республикаҕа ыстаҥаҕа бастаан чаһыынан наҕараадаламмыта. Улахан дьоҥҥо 1967 сыллаахха тыа сирин спартакиадатыгар аатырбыт Николай Санников кэнниттэн иккис буолбута. Оройуон чиэһин 1976 сылга диэри көмүскээн хастыыта да Бүлүү зонатыгар миэстэлэспитэ уонна республика күрэхтэһиилэригэр финалга киирбитэ. Оройуоҥҥа 1985 сылга дылы күрэхтэспитэ, элбэхтик бастаабыта.

         Иван Михайлович Дмитриев 6 кыыстаах, сиэннэрдээх.