Сунтаар оройуонун Кириэстээх нэһилиэгэр 1940 сыл олунньу 4 күнүгэр төрөөбүтэ. 1958 сыллаахха Сунтаар оройуонун Куокуну сэттэ кылаастаах оскуолатыгар ырыа уонна физкультура учууталынан үлэтин саҕалаабыта. 1967 сыллаахха СГУ биологическай-географическай факультетын үөрэнэн бүтэрбитэ уонна Үөһээ Бүлүү оройуонун Далыр орто оскуолатын дириэктэрин кылаас тас өттүнээҕи үлэҕэ солбуйаччытынан анаммыта.

         Владимир Арсеньевич ураты киэҥ билиилээх, сиэдэрэй дууһалаах этэ. Үгүс оҕоҕо дьиҥнээх доҕор буолбута.

         Атах онньуутугар Саха АССР спордун маастара, нуучча дуобатыгар ССРС спордун маастарыгар кандидат.

         В.А. Степанов үөрэнээччилэр ортолоругар чэпчэки атлетикаҕа, волейболга уонна баскетболга күүстээх үлэни ыытара.

         Киһи быһыытынан сүрүн хаачыстыбатынан киһиэхэ үтүө сыһыанын махтанан туран бэлиэтиир бары үөрэнээччилэрин, коллегаларын, нэһилиэгин олохтоохторун кини кэпсэтинньэҥэ, үөрүнньэҥэ, сырдыкка эрэлэ курдары тардара.

         Саха АССР Үрдүкү Сэбиэтин Президиумун Грамотатынан, САССР Миниистирдэрин Сэбиэтин физичэскэй культураҕа уонна спортка Комитетын Бочуотунай грамотатынан наҕараадаламмыта. “СР физическэй культураны уонна спорду сайыннарыыга үтүөлэрин иһин” бэлиэннэн наҕараадаламмыта, “Бочуот кинигэтигэр” уонна “СГУ спортивнай албан аатын суругар” киллэриллибитэ.