Андреева Ольга Ивановна 1985 с. ыам ыйын 22 к. Ньурба улууһун Күндээдэ сэлиэнньэтигэр күн сирин көрбүтэ. Оҕо эрдэҕиттэн спордунан дьарыктанарын сөбүлүүр. Оскуолаҕа үөрэнэр эрдэҕинэ чэпчэки атлетиканан сөбүлээн дьарыктанара. 2003 с. оскуолатын бүтэрэн, М.К. Аммосов аатынан Саха Государственнай университетыгар физкультура уонна спорт институтугар туттарсан киирбитэ. 2008 с. бүтэрэн физкультура учуталын идэтин ылбыта.

Буулдьаннан ытыынан 2016 с. олунньу ыйтан дьарыктанан саҕалаабыта. Бастаан оҕотун кылааһыгар «Сонор» күрэххэ воздушканан ытан күрэхтэспитэ. Ол иннигэр сааны олох тутан көрө илик эбит. Наһаа интэриэһинэй, азартнай спорт көрүҥэ эбит диэн, сөбүлээн дьарыктанарга санаммыта. Хамаандаҕа киирэн, күрэхтэһиилэргэ сылдьыһан барбыта.

2016 с. саас Үөһээ Бүлүүгэ ыытыллыбыт Советскай Союз Геройа, 2-с Украинскай фронт аатырбыт снайпера А.А. Миронов аатыгар ыытыллыбыт «Белка» көрүҥҥэ 2 миэстэ буолбута.

2016 с. балаҕан ыйга Дьокуускай куоракка ыытыллыбыт республиканскай күрэххэ воин-интернационалист, “Бойобуой Кыһыл Знамя” орден кавалера Алексеев Усементай Николаевич бирииһигэр ыытыллыбыт хамаанданнан күрэххэ 3 миэстэни ылбыттара.

2017 с. олунньу 4-5 кк. Дьокуускай куоракка республиканскай күрэххэ Аҕа дойду Улуу сэриитин аатырбыт ветераннара бырааттыы Оллоновтар ааттарыгар ыытыллыбыт “Белка” көрүҥҥэ хамаанданан күрэххэ 3 миэстэ буолбуттара.

2017 с. олунньу 23-24 кк. Горнай улууһун Бэрдьигэстээҕэр ыытыллыбыт оскуола оҕолоругар уонна улахан дьоҥҥо XX үйэҕэ РСФСР спордун лауреата Лукин Н.Н. аатыгар ыытыллыбыт буулдьанан ытыы аһаҕас турнирыгар хамаанданан «Белка» көрүҥҥэ 1 миэстэ буолбуттара.

Бу күн, бу күрэххэ “Белка” көрүҥҥэ абсолютнай иһин киирсиигэ 2 миэстэ буолбута.

2017 с. муус устар 8-9 кк. ыытыллыбыт Манчаары Спартакидатыгар кыттар иһин буулдьанан ытыыга күрэххэ кытта 256 очкону ылан “Белка” көрүҥҥэ спорт маастарыгар кандидат нуорматын толорбута уонна Манчаары Спартакиадатыгар кыттар иһин путевка ылбыта.