Иванов Игорь Альбертович 2001 с. бэс ыйын 5 к. Үөһээ Бүлүү улууһун Үөһээ Бүлүү сэлиэнньэтигэр төрөөбүтэ, билигин И. Барахов аатынан орто оскуола 9 кылааһыгар үөрэнэр.  Бастаан буулдьанан ытыыга 4 кылааска үөрэнэ сырыттаҕына аҕата пневматическай саа ылан ытарга үөрэппитэ. Онтон Үөһээ Бүлүү улууһугар оҕолорго пулевой стрельбаҕа күрэхтэһиилэргэ кыттар буолбута уонна бастааччы. Онтон ыла тренер Лаврентий Владимирович Карадчин дьарыктаан барбыта. Ол кэннэ 2015-2016 үөрэх дьылыгар Сунтаар улууһугар баран Олимпийскай резервэ училищетын филиалыгар буулдьанан ытыыга үөрэммитэ. Кинини онно Россия маастарга кандидата уонна Саха Республикатын спордун маастара, старшай тренер Николаев Александр Алексеевич күүскэ дьарыктаабыта. Сунтаарга үөрэнэ сылдьан Чурапчы улууһугар күрэххэ баран буулдьанан ытыыга ВП-6 көрүҥҥэ 587 очкону ылан, 2 разрядын толорбута. Ол кэннэ Үөһээ Бүлүү улууһугар төннөн кэлэн күн бүгүҥҥэ дылы Лаврентий Владимировичка дьарыктана сылдьар.

Үөһээ Бүлүү улууһугар буулдьанан ытыыга хас да төгүллээх чемпион.

2015 с. буулдьанан ытыыга, биирдиилээн күрэххэ сэрии ветерана А. Прокопьев бирииһигэр чемпионнаабыта.

2016 с. Чурапчы улууһугар ыытыллыбыт республиканскай күрэх призера.

2016 с. IV республикатааҕы тыа сирин культурнай-спортивнай фестивалыгар чемпионнаабыта.

2017 с. сэрии ветераннарын бырааттыы Оллоновтар бириистэригэр хамаанданан III м ылары ситиспиттэрэ.