МВД пенсионера Чоросов Анатолий Николаевич 1954 с. Сунтаар улууһугар төрөөбүтэ. 2014 с. күһүнүгэр бииргэ милицияҕа үлэлээбит доҕотторо буулдьанан ытыыга  тиир аһыллан үлэлээн эрэр диэбиттэрин сэргии истибитэ. Ол гынан баран сааһырбыт киһи сүһүөҕэ, хараҕа мөлтөх диэн эмиэ да саарыыр курдук этэ. Кэргэнэ бараҥҥын аралдьыйа таарыйа дьарыктан, урут “Макаров” пистолетынан ытыыга чемпионнаан миэстэлэһэр этиҥ диирэ, ол иһин баран боруобалыахха дии санаабыта. Ол курдук бастаан переломка (воздушка) саанан, онтон газобаллоннай саанан ытан саҕалаан эрчиллэн барбыта. Ол курдук улууска тэрилтэлэр күрэхтэһиилэригэр кыттан миэстэлэһэн элбэх грамоталардаах.

         2015 с. муус устар ый 11 к. Хампаҕа Бүлүү улууһугар Улуу Кыайыы 70 с. аналлаах уонна ССРС Геройдара Миронов А.А., Кондаков Н.А. уонна Степанов Н.С. кэриэстэригэр ыытыллыбыт республиканскай күрэххэ кыттан II м тахсан дьарыктанарга кынаттаммыта. Бастаан кэккэ ыарахаттар баар этилэр, саанан ытар ботуруоннарын бэйэлэрэ атыылаһар  этилэр, ол элбэх үбү ирдиирэ, өссө хайдах эрэ ыарахан соҕус спорт дии саныыра.

         2015 с. сэтинньи 28 к. Снайпер Д.А. Гуляев аатыгар тэриллибит республиканскай турнирга пулевой ытыыга I м ылары ситиспитэ.

         2016 с. III м буолбута. Бу команда республикаҕа кыттарыгар I, II, III миэстэлэри ыларыгар Анатолий Николаевич кылаата баара саарбаҕа суох буолуохтаах.

         Ол курдук 2017 с. Бэрдьигэстээххэ баран команда I м буолбута, убаһа бириис ылбыта.