Көҥүл тустууга ССРС спордун маастара, самбо тустууга ССРС спордун маастара, хапсаҕай тустууга СР спордун маастара.

         Петр Прокопьевич үс тустуунан тэҥҥэ дьарыктаммыта, арай соҕуруу үөрэххэ сылдьар кэмигэр хапсаҕайтан тэйбит буолуон сөп. Ол эрэн дойдутугар кэлээт, 1988 с. Саха сирин чемпиона буолар. Маны таһынан Петр Прокопьевич Б.П. Егоров  салалтатынан эрчиллэн үрдүк кылаастаах маастар буолбута.

         Специалистар этэллэринэн, самбо уонна хапсаҕай майгыннаһар тустуулар, уратыта самбоҕо таҥастаах уонна волевой албастардаах. Ол эрэн самбо тустууга үчүгэй сүһүөхтээх, илиитигэр, атаҕар күүстээх дьон тусталлара ордук ситиһиилээх буолар дииллэр.

         Петр Прокопьевич 1993 с. самбо тустуу аҕатынан ааттанар А. Харлампьев Бүтүн Союзтааҕы турнирыгар I м ылар уонна ССРС спордун маастара буолар.