Үөһээ Бүлүү улууһун спортка управлениетын начальнига Николаев Егор Алексеевич икки сыл анараа өттүгэр Бүлүүтээҕи педколлеһы үөрэнэн бүтэрбит Дьааҥы уола Степан Васильевы, хотугу многоборье спордун маастарын, ыҥыран аҕалбыта уонна Дүллүкү оскуолатыгар үлэҕэ анаттарбыта. Степан Үөһээ Бүлүүгэ кэлэн баран тус бэйэтин көрдөрүүтэ лаппа тубуста. Ол курдук, 2015 с. “Строганина” күрэҕин муҥутуур кыайыылааҕа буолбута, 2016 с. СР сүүмэрдэммит хамаандатын састаабыгар баар. Степан  2016 с. кыһыҥҥы Спартакиадаҕа улуус хамаандатын састаабыгар киирэн күрэхтэһэн, үөһээ бүлүүлэр хамаанданан хаһан да ситиспэтэх ситиһиилэрин ситиһэллэригэр төһүү күүс буолбута. Хамаанда састаабыгар Михалева-Евдокимова Л.Д. Россия, СР абсолютнай чемпиона, Павел Егоров СР спордун маастара, Паша Григорьева, тренер Р.В. Григорьева киирэннэр бастаабыттара.

         Степан 2017 с. Федерация кубогын хаһаайына. 2017 с. Манчаарыга кыттар путевкалаах, республика чемпионатыгар маамыкта быраҕыытыгар призер.

Васильев Степан Владимирович 1993 с. Үөһээ Дьааҥы улууһун Дулҕалаах нэһилиэгэр тохсунньу 19 к. Владимир Васильев дьиэ кэргэнигэр  бэһис оҕонон төрөөбүтэ.

Степан Васильевы тренер Васильев Григорий Егорович дьарыктаабыта.