Руслан Сергеевич 1990 с. Үөһээ Бүлүү оройуонун Өргүөт нэһилиэгэр төрөөбүтэ.

         Руслан кыра сааһыттан сытыы-хотуу оҕо этэ. Ону бэлиэтии көрөн кинини, оччотооҕута оскуола директорынан үлэлии кэлбит, аатырбыт хапсаҕайдьыт Юрий Павлов тустууга эрчийбитэ. Руслан оскуолаҕа үөрэнэр сылларыгар улууска уонна республикаҕа оҕолорго көҥүл уонна хапсаҕай тустууларга ситиһиилээхтик тустубута.

         Руслан Бүлүүтээҕи Н.Г. Чернышевскай аатынан педагогическай училищены ситиһиилээхтик 2011 с. бүтэрбитэ. Кини студенныыр сылларыгар тустуутун сэргэ хотугу многоборьенан күүскэ дьарыктаммыта. Биллиилээх тренер Григорий Егорович Васильев салалтатынан утумнаахтык, дьаныардаахтык эрчиллэн 2010 с. хотугу многоборьеҕа Саха Республикатын спордун маастара буолбута, Саха Республикатын чемпионаттарыгар, республиканскай турнирдарга ситиһиилээхтик кыттыбыта.