Ульяна Тимофеевна Барахова 1939 с. алтынньы ыйын 25 к. Үөһээ Бүлүү нэһилиэгэр төрөөбүтэ.

         Ульяна Тимофеевна 1972 с. оҕунан ытыыга араас күрэхтэһиилэргэ ситиһиилээхтик кыттан II спортивнай разряд нуорматын толорбута.

         Кини 1963 с. Үөһээ Бүлүү оройуонун дьахталларыттан бастакынан анал физкультурнай үрдүк үөрэх дипломун ылбыта.

         Ульяна Тимофеевна оҕунан ытыыга 1971 с. Манчаары III Спартакиадатыгар 50 м дистанцияҕа чемпионнаабыта, 30 м иккис миэстэлэммитэ, 1972 с. оҕунан ытыыга Саха АССР сүүмэрдэммит хамаандатын састаабыгар киирэн ССРС тыа сиринээҕи спортсменнарын чемпионаттарыгар 1972 с. Орджоникидзеҕа, 1973 с. Улан-Удэҕэ кыттыбыта.

         Ульяна Тимофеевна 1978 с. оройуон 10 бастыҥ спортсменнарын иһигэр киирбитэ. Ульяна Тимофеевна Үөһээ Бүлүүтээҕи ситэтэ суох орто оскуолаҕа физкультура учууталынан өр сылларга үтүө суобастаахтык үлэлээбитэ, оройуоннааҕы үөрэх салаатыгар методистаабыта, билигин пенсияҕа олорор.