Айаал Анисимов көҥүл тустууттан тэйэ быһыытыйан баран, 2014 с. саҕалаан хапсаҕайга элбэхтик тустар буолбута.

         Айаал Боотулуу нэһилиэгэр 1988 с. кулун тутар ыйга төрөөбүтэ. Оскуолаҕа үөрэнэ сылдьан оройуон киинигэр тренер С.А. Жендринскэйгэ эрчиллэр. Тренерэ Айаалтан үчүгэй бөҕөс тахсыан сэрэйэн Олимпийскай эрэл училищетыгар ыытар. Айаал ити училищеҕа эрчиллэн буһар-хатар, күүстээх маастар буолар.

         Хапсаҕайга 2014 с. күүскэ тустар уонна адьас кылгас кэм иһигэр Саха сирин күүстээх хапсаҕайдьыта буолар. Айаал төһө да атын сиргэ олордор, үөрэннэр, мэлдьи төрөөбүт Үөһээ Бүлүүтүн аатыттан тустар. Тустарын көрдөххө чэпчэки, сэргэх уонна утарсааччыларыттан чаҕыйбат. 2014 с. Ис Дьыала Министерствотын бирииһигэр 70 кг I м ылар, 2014 с. Уус-Тааттаҕа Г. Попов бирииһигэр 70 кг I м ылар, 2015 с. И. Оконешников бирииһигэр бастаан Саха Республикатын маастара буолар. Айаал 2015 с. Дьааҥы бөҕөлөрө бырааттыы Ноговицыннар бириистэригэр чемпион буолар, 2015 с. ахсынньы ыйга Г. Попов бирииһигэр 70 кг II м, 2016 с. республика чемпионатыгар 70 кг III м ылбыта, 2017 с. П. Алексеев бирииһигэр 70 кг тустан VI м буолла уонна Манчаары бирииһигэр кыттарга путевка ылбыта.

         Айаал үрдүк физкультурнай үөрэхтээх, бу кэмҥэ Чурапчыга олорор, МПЧ тэрилтэтигэр үтүө суобастаахтык үлэлиир. Чурапчы кыыһа кэргэннээх, уол, кыыс оҕолордоох. Айаал дойдутугар ыытыллар Манчаары Спартакиадатыгар ситиһиилээхтик кыттардыы былааннаахтык үлэлии-хамсыы, дьарыктана сылдьар.

         Айаал Анисимов Боотулууттан төрүттээх, ордук көҥүл тустуунан дьарыктаммыт, улахан ситиһиилэрдээх бөҕөс. Айаал көҥүл тустууга маҥнай Үөһээ Бүлүүтээҕи оҕо спортивнай оскуолатыгар дьарыктаммыта. Онтон олимпийскай эрэллэри бэлэмниир училищеҕа эрчиллибитэ. Айаал Анисимов бастакы тренерэ СР үөрэҕириитин туйгуна, оҕо спортивнай оскуолатыгар таһаарыылаахтык үлэлээбит, билигин төрөөбүт Балаҕаннааҕар оскуола директорынан үлэлиир Степан Алексеевич Жендринскэй. Үөһээ Бүлүүгэ эрчиллэр кэмигэр күүстээх бөҕөс тахсыан билэн тренердэрэ Олимпийскай эрэл училищетыгар салгыы үөрэттэрэ ыыппыттара. Уол онно тиийэн биллиилээх тренердэргэ И.Н. Сивцевкэ, С.П. Сивцевкэ эрчиллибитэ. Элбэх эрчиллиилэр түмүктэринэн РФ көҥүл тустууга спордун маастара буолбута уонна СР Н. Тарскай бирииһигэр 2011, 2013 сс. чемпионнаабыта, 2012 с. III м ылбыта. 2014 с. Намҥа ыытыллыбыт СР норуоттарын Спартакиадатын чемпиона. Айаал 60, 65 кг ыйааһыҥҥа тустар. 2011 с. Россия кубогын II призера, Турция норуотун улуу бөҕөһө Я. Догу Гран-при турнирын 2012 с. боруонса призера, Красноярскай куоракка Д. Миндиашвили бирииһигэр үрүҥ көмүс, боруонса мэтээллэр хаһаайыннара. Айаал Анисимов үрдүк техникалаах улахан маастар, онон да буолуо саха аатырбыт бөҕөстөрө, Аан дойду 2 төгүллээх чемпиона Виктор Лебедевкэ үрдүк ситиһиилэри ыларыгар бииргэ эрчиллэн, көмөлөһөн Лебедевкэ да, Айаал бэйэтин да тустар кылаастарын үрдэттэхтэрэ. Бу үлэ таах хаалбатаҕа, Лебедев аан дойду күүстээх бөҕөһө буолан тахсыбыта, биһиги санаабытыгар Айаал өссө күүскэ тустуохтааҕа ыйааһына табыла суоҕа атахтаата. 60-61 кг улахан, наһаа элбэҕи үүрэр, 65 кг ыйааһыҥҥа аны кыра буолан биэрдэ. Айаал Анисимов Александр Контоевка эмиэ элбэхтик көмөлөспүтэ, Европа, Аан дойду призера буоларыгар спарринг-партнердаан Айаал элбэх көлөһүнүн тохпута.

Айаал Анисимов 2014 с. элбэхтик хапсаҕайдаһан тустар уонна төрөөбүт дойдутуттан атын сиргэ үөрэнэр, олорор, үлэлиир да буоллар  мэлдьи төрөөбүт Үөһээ Бүлүүтүн спортивнай чиэһин ситиһиилээхтик көмүскүүр дьиҥнээх патриот киһи. Айаал  2014 с. Саха сирин Ис Дьыалаҕа министрин Кошелев бирииһигэр 70 кг I м ылбыта, 2015 с. эмиэ бу күрэхтэһиигэ 104 бөҕөстөн чемпион буолбута, 2014 с. Уус-Тааттаҕа Г. Попов бирииһигэр 70 кг I м ылбыта, 2015 с. Чыаппараҕа И. Оконешников бирииһигэр 70 кг I м ылбыта. Онон Анисимов бу турнирдар түмүктэринэн СР хапсаҕайга маастара буолбута. 2015 с. Дьааҥы аатырбыт бөҕөстөрө бырааттыы Ноговицыннар бириистэрин 70 кг ыйааһыннаахтарга чемпиона, 2015 с. ахсынньыга Г. Попов бирииһигэр 70 кг II  м ылбыта. Айаал 2017 с. республика чемпионатыгар Манчаары Спартакиадатыгар путевка былдьаһыылаах тустууга Үөһээ Бүлүүтүн чиэһин көмүскээн путевка ылбыта.

Айаал “Олимпийскай эрэллэр” училище кэнниттэн университетка үөрэнэн физкультурнай отделениены бүтэрбитэ. Бу кэмҥэ Айаал Анисимов кэргэннээх, уол, кыыс оҕолордоох.