Григорьев И.И. 1980 с. Оҥхой нэһилиэгэр төрөөбүтэ. Оҥхой аҕыс кылаастаах оскуолатыгар үөрэммитэ, төрдүс кылааска тахсыытыгар эһэтэ спортивнай оскуолаҕа үөрэттэрэ илдьибитэ. Онон спортивнай оскуолаҕа уонна Үөһээ Бүлүүтээҕи ситэтэ суох орто оскуолаҕа үөрэнэр буолбута. Манна кэлэн уопуттаах тренердэргэ эрчиллибитэ, утумнаах дьарыктар, спортивнай диссипилиинэ, араас күрэхтэһиилэр оскуолаларын ааспыта. Тренерэ Николай Егорович Афанасьев дьаныардаахтык эрчийэн бииртэн биир ситиһиилэрдэнэн испитэ.

Иван отой кыракый эрдэҕиттэн тустара, оскуолаҕа киириэҕиттэн ыһыахтарга  оҕолорго, онтон улахан дьоҥҥо тустар буолбута. Нэһилиэгин дьоно туста киирдэҕинэ оччоттон-баччаҕа диэри Моочой сиэнэ киирдэ дэһэллэр. Иваҥҥа кыайыылар чэпчэкитик кэлбэттэр этэ, сороҕор харах уулаах да тустуу баар буолара. Ол эрэн кэлин спортивнай оскуола үөрэнээччитин быһыытынан үгүстүк кыайыы амтанын билэн барбыта, аны ыһыахтарга эрэ буолбакка, улууска уонна республикаҕа күрэхтэһэр киһи буолбута.

Ол курдук Буучугурас, Бычырдаан, В. Румянцев, В. Федоров бириистэригэр өрүүтүн кыттан, кыайыы-хотуу көтөллөммүтэ.

2010 с. хапсаҕайга Саха Республикатын спордун маастара буолбута.

Кэргэннээх, икки оҕолоох.

Эһэтэ, спорт маастара Иван Константинович Григорьев аатын өссө да ааттатыа дии саныыбыт.